Obama: SHBA përballet me krizë politike pas vrasjes së Charlie Kirk
Ish-presidenti amerikan Barack Obama ka paralajmëruar se Shtetet e Bashkuara ndodhen përballë një “krize politike të paprecedentë” pas vrasjes së aktivistit konservator Charlie Kirk.
Duke folur të martën në një aktivitet në Pensilvani, Obama e cilësoi ngjarjen si “të tmerrshme dhe tragjike”. Ai tha se nuk e kishte njohur personalisht Kirkun dhe shpesh nuk ishte dakord me pikëpamjet e tij, por nënvizoi se dhuna politike është “një turp për një vend demokratik”.
Ish-presidenti kritikoi retorikën përçarëse të Donald Trump, duke e akuzuar se ka nxitur ndarjet politike në vend në vend që të theksojë unitetin kombëtar, siç bënin sipas tij presidentët republikanë të mëparshëm në kohë tensioni.
Në reagim, Shtëpia e Bardhë e cilësoi Obamën “arkitektin e përçarjes politike moderne”.
Para arrestimit të Tyler Robinson, i akuzuar për vrasjen e Kirkut, aleatët e Trump kishin fajësuar aktivistët e krahut të majtë dhe retorikën e ligjvënësve demokratë për ngjarjen.
“Në kohë si kjo, kur tensionet janë të larta, një pjesë e punës së presidentit është t’i bashkojë njerëzit,” tha Obama. Ai shtoi se thelbi i sistemit demokratik është të zhvillohen debate edhe të ashpra pa rënë në dhunë:
“Nuk ka ‘nëse’, ‘dhe’ ose ‘por’ për këtë, kjo është premisa qendrore e demokracisë sonë.”
LEXONI GJITHASHTU:
Kryefaqja
Deklaratat antisemite të artistit, Gjykata holandeze i hap rrugën koncerteve të Kanye West
SpaceX drejt ofertës publike fillestare më të madhe në histori, prej 75 miliardë dollarësh
Dhoma e Përfaqësuesve miraton masën për t’i dhënë fund luftës në Iran
- 09:59 Presidenti Begaj reagon për vrasjen e efektivit në Korçë: Policia nuk do të zbrapset
- 09:53 Vrasja e policit në Maliq, reagon ministri i Brendshëm: Dënoj me forcën më të madhe këtë akt kriminal
- 09:44 U plagos në Lozhan të Maliqit, efektivi i ‘Shqiponjave’ niset me helikopter drejt Traumës
- 09:33 Vrasja e policit në Korçë, reagon Rama: Nderim përjetë Dëshmorit të Atdheut
- 09:31 Vrau një polic dhe plagosi një tjetër, del fotoja e autorit të ngjarjes së rëndë në Maliq
- 09:24 Deklaratat antisemite të artistit, Gjykata holandeze i hap rrugën koncerteve të Kanye West