O’Brien: Serbia të mbajë përgjegjës ata që janë përfshirë në sulmin në Banjskë

Ndihmëssekretari amerikan i Shtetit për Evropën dhe Euroazinë, James O’Brien, është shprehur se Serbia duhet të mbajë përgjegjës ata që janë përfshirë në sulmin terrorist në Banjskë, në veri të Kosovës.

Komentet O’Brien i bëri përmes një reagimi në rrjetin social “X”, ku përshëndeti takimet e Miroslav Lajçak me kryeministrin Albin Kurti dhe presidentin e Serbisë, Aleksandër Vuçiç.

Ai tha gjithashtu se Kosova duhet të zbatojë marrëveshjen e Asociacionit dhe zgjedhjet e reja lokale në veri të vendit duhet të mbahen sa më parë.

“Përshëndesim Miroslav Lajcak për takimet e tij me Albin Kurti dhe Aleksandër Vuçiç. Mbështetje e fortë e SHBA për dialogun e lehtësuar nga BE. Nevojë për zbatimin e plotë të marrëveshjeve, duke përfshirë ASM. Zgjedhjet e reja lokale në veri të Kosovës duhet të shkojnë përpara; koordinimi përpara zbatimit të rregulloreve të reja të monedhës. Serbia duhet të mbajë përgjegjës ata që janë përfshirë në sulmin në Banjska”, ka shkruar O’Brien.

Welcome @MiroslavLajcak’s visits with @albinkurti & @predsednikrs. Strong 🇺🇸 support for 🇪🇺-facilitated Dialogue. Need full implementation of agreements, including ASM. New local elections in 🇽🇰’s north should go forward; coordination before implementing new currency regulations.…

— Assistant Secretary Jim O’Brien (@StateEUR) January 29, 2024

LEXONI GJITHASHTU:

• O’Brien: Kosova ta themelojë Asociacionin, Serbia të dënojë sulmin e Banjskës
• Haradinaj e Limaj bashkohen në koalicion parazgjedhor, disa nga pikat e paktit