Oerd Bylykbashi dhe Ivi Kaso paraqiten në SPAK

Deputeti i Partisë Demokratike, Oerd Bylykbashi dhe Sekretari për Çështjet Zgjedhore në këtë forcë politike, Ivi Kaso janë paraqitur në SPAK për të depozituar një kallëzim për aplikacionin “Aktivisti”.

Në një deklaratë për mediat deputeti demokrat theksoi se kallëzimi përfshin kryeministrin Edi Rama dhe zyrtarë të tjerë, ndërsa i bëri thirrje SPAK që të veprojë me forcë.

Ndër të tjera, ai shtoi se ky aplikacion duhet të ndalet menjëherë pasi cenon sekretin dhe lirinë e votës.

“Ky kallëzim dorëzohet sot patjetër për të gjithë zyrtarët e lartë, duke filluar nga kryeministri që ka konsumuar vepra të rënda penale. I gjithë kapitulli për krimet zgjedhore. Ne do ta çojmë përpara këtë kallëzim. Kërkojmë nga SPAK që të veprojë me forcë.. Kjo ka të bëjë më kontrollin e zgjedhësve”- tha ai.