Ofroi 120 mijë € t’i vrisnin ish-gruan, jepet masën e sigurisë për avokatin e njohur

Gjykata e Apelit të Posaçëm miratoi masën e “Arrestit me burg pa fat”, për avokatin Alban Bengasi, i akuzuar nga SPAK, se ka ofruar rreth 120 mijë euro për të dhunuar dhe vrarë ish-bashkëshorten e tij.

Bengasi ishte në kërkim që në maj të 2022 pas dëshmisë së vrasësit me pagesë, tashmë bashkëpunëtor i drejtësisë, Nuredin Dumani, i cili u rrëfeu hetuesve se avokati ia kishte ofruar fillimisht shumën monetare atij, por për shkak se ishte femër nuk kishte pranuar.

Bengasi ka mohuar të këtë lidhje me çfarë ka rrëfyer Nuredin Dumani. Ai e ka cilësuar si mashtrues bashkëpunëtorin e drejtësisë, duke u shprehur se në asnjë moment nuk i është shmangur hetimit.

SPAK ka kërkuar shpjegime pse Bengasi u largua një javë pasi dolën masat e arrestit dhe pse u kthye në Shqipëri në momentin që dosja kaloi për gjykim.

Avokati mohon kategorikisht akuzën dhe sqaron se në çdo pozicion pune që ka mbajtur nga OPGJ e deri tek avokat e ka bërë me ndershmëri dhe pa asnjë kompromis.