Okulisti: Kush ka lëkurë të errët rrezikohet më shumë nga tensioni i syrit

Mjeku okulist, Rubin Topi, i ftuar në emisionin GoodMorning Albanians në Euroneës Albania tha se ngjyra e syrit nuk rrit mundësinë e glaukomës. Përkundrazi ai shton se ngjyra e errët mund të jetë një faktor për tensionin e syrit.

“Pa diskutim që sytë me ngjyrë janë më delikat, sidomos karshi dritës, por nuk ka një provë shkencore që ne të themi se njerëz më sy me ngjyrë kanë predispozita më të larta ndaj glaukomës. Përkundrazi mund të jap një shembull tjetër, ngjyra e lëkurës së errët  mendohet që është një faktor risku. Raca të caktuara kanë përqindje më të lartë glaukome. Por është ë gabuar të thuhet se është ngjyra e syrit që e përbën këtë sepse nuk ka një bazë shkencore që ta themi këtë”, tha ai.

Mjeku tha se syzet nuk ndikojnë në parandalimin e tensionit të syrit, por ka disa medikamente që mund të ndikojnë në formimin gradual të tensioni të syrit.

“Syzet nuk kanë ndikim. Ka disa lloje medikamentesh, sidomos ato që ndikojnë në rritjen dhe zvogëlimin e bebes së syrit mund të sjellin një lloj risku për formimin gradual të një forme të glaukomës që hyn te klasifikimi i glaukomave sekondare”, u shpreh Topi.