Oligarkët rusë janë të mirëpritur në Turqi, thotë ministri Cavusoglu

Oligarkët rusë janë të mirëpritur në Turqi, por duhet të respektojnë ligjet ndërkombëtare nëse duan të merren me biznes, deklaroi të shtunën Ministri i Jashtëm i Turqisë Mevlut Cavusoglu.

Turqia e ka kritikuar ashpër Rusinë për pushtimin e Ukrainës, por nuk është dakord me vendosjen e sanksioneve.

“Sigurisht që oligarkët apo qytetarët rusë mund ta vizitojnë Turqinë kur të duan”, tha Cavusoglu gjatë konferencës

“Nëse po pyesni a mund të bëjnë biznes në Turqi, përgjigja është po, nëse e lejon ligji dhe e drejta ndërkombëtare”, shtoi ai.

Shtetet e Perëndimit kanë sanksionuar një sërë oligarkësh rusë me qëllim izolimin e presidentit rus Vladimir Putin.

LEXONI GJITHASHTU:

• Biden takohet për herë të parë me zyrtarë të lartë të Ukrainës
• Si u shkatërrua qyteti i Mariupolit, banorët pa energji dhe ushqim
• ‘Objektivat u arritën’, ushtria ruse fokusohet tek rajoni i Donbasit