Operatori turistik Çipa: Resortet të domosdoshme për të sjellë turistë të huaj

Operatori turistik Arben Çipa tha në studion e Barometrit në Euronews Albania se sipas tij, ndërtimi në bregdet është investim i mirë për të sjellë turistë të huaj.

Për operatorin Çipa, kjo gjë është provuar nga resortet turistike të ndërtuara në Durrës, të cilat sipas tij kanë tërhequr turistë të huaj. Për Arben Çipën, resortet janë të domosdoshme pasi ka kërkesë të lartë.

“Rezortet turistike në këtë moment janë të domosdoshme, pasi kërkesa është shumë e lartë”, u shpreh z. Çipa.

Arben Çipa tha se turizmi i huaj që zgjat 1-4 muaj mban në këmbe industrinë e turizmit në Shqipëri.

“Kur ka kërkesë, nuk ka si të mos i përgjigjesh me ndërtim”, tha Arben Çipa.

Ndërsa për aktivistin mjedisor Ened Mato, betonizimi i natyrës është i papranueshëm, pasi të gjithë turistët, si shqiptarët ashtu edhe të huajt, tërhiqen nga bukuritë natyrore.

LEXONI GJITHASHTU:

• Çfarë i shqetëson dhe çfarë u pëlqen shqiptarëve gjatë pushimeve verore brenda vendit