Opozita bllokoi seancën/ Çuçi: E shëmtuar, dhuna ndaj institucionit s’justifikohet

Kreu i grupit parlamentar të Partisë Socialiste, Bledi Çuçi e cilësoi një shfaqje të shëmtuar  bllokimin e foltores nga ana e deputetëve të Partisë Demokratike.

“Pamë një shfaqje të shëmtuar të përpjekjes për të zaptuar kuvendin e Shqipërisë. Besoj se kjo nuk është mënyra e duhur për të kërkuar qoftë të drejtat që janë mohuar, por qoftë edhe për të bërë politikën në Shqipërinë e NATO-s që ka hapur negociatat për t’u futur në Bashkimin Europian. Asgjë nuk e justifikon dhunën ndaj institucionit”,-tha ai.

Seanca e planifikuar për ditën e sotme nuk u zhvillua pasi Kuvendi u bllokua nga deputetët e opozitës. Për këtë sjellje, Çuçi tha se do të mblidhet Komisioni i Etikës për të marrë masa ndaj deputetëve.

LEXONI GJITHASHTU:

• “Kërkuam përjashtimin e deputetëve opozitar”, Çuçi: Të hapen kamerat
• Gazetarja: Nuk kam dashur kurrë më shumë se 2 fëmijë, 3 apo 4 jo e jo