Opozita kërkon debat pa kufizime në Kuvend, Konferenca e Kryetarëve merr vendimin

Në Konferencën e Kryetarëve të zhvilluar këtë mërkurë, opozita ka kërkuar që në seancën parlamentare të nesërme të zhvillohet një debat pa kufizime kohore mbi programin e ri qeverisës dhe prezantimin e kabinetit.

Kreu i grupit parlamentar të Partisë Demokratike, Gazment Bardhi, u shpreh se “është një moment i rëndësishëm për vendin dhe çdo deputet duhet të ketë mundësinë për të shprehur qëndrimin e tij mbi programin qeverisës”.

Konferenca e Kryetarëve ka vendosur që koha e diskutimeve për deputetët në seancën plenare të jetë e kufizuar në 10 minuta për secilin. Përjashtim bën vetëm kryetari i PD-së apo i grupit parlamentar të saj, të cilët do të kenë të drejtën e fjalës në një kohë të barabartë me atë të kryeministrit Edi Rama.

Seanca e së enjtes pritet të jetë maratonë dhe e pandërprerë, duke shënuar një ndër seancat më intensive të këtij sesioni parlamentar.

LEXONI GJITHASHTU:

• PS dhe PD debat në Kuvend, Balla: Nuk e kemi shkrirë integrimin, Bardhi: Po gënjeni
• Nuk kam ambicie për tu bërë kryetar i PD Bardhi: Neni “Basha” është jodemokratik