Opozita kërkon mocion me debat për raportin e DASH, flet Taulant Balla

Opozita i ka kërkuar  kryetares së Kuvendit ndryshimin e rendit të ditës, për të futur mocion me debat në lidhje me raportin e fundit të DASH.

Në lidhje me këtë kreu i Grupit Parlamentar të PS-së Taulant Balla është shprehur se nuk kanë pasur asnjë kërkesë për mocion me debat, ndërkohë shprehu dakordësinë që ky debat të zhvillohet.

“Nuk jemi para një kërkese të mocionit me debat. Nuk na ka ardhur një kërkesë. Ka një kërkesë për ndryshim të rendit të ditës, për të përfshirë në rend dite diçka që nuk ekziston. Nëse doni të zhvillojmë një mocion me debat për gjetjet e DASH, ne jemi të gatshëm që të shqyrtojmë kërkesën brenda tre ditësh. Kemi shumë kohë që presim të flasim për shumë gjetje të DASH. Ju që kërkuat mocion me debat para disa kohësh ikët. Ne jemi të gatshëm që të kemi mocion për raportin e DASH. Duhet të zhvillojmë një mocion me debat dhe për procesin e integrimin.  Sot kemi një sërë çështjesh për të diskutuar dhe për të debatuar.”- tha ai.

LEXONI GJITHASHTU: 

• Sot dhe nesër mbahet samiti i BE-së, diskutohet edhe për takimin e Ohrit
• Deputetët e PD-së kërkesë për mocion me debat, Boçi: Të diskutohet raporti i DASH