Opozita në RMV fajëson qeverinë për ngjarjen në spitalin e Tetovës

Spitali ku ndodhi tragjedia e zjarrit në Tetovë nuk dihet nëse ka marrë pranim teknik për t’u përdorur për trajtimin e pacientëve, tha për Euronews Albania Arben Taravari, kryetar i Komunës Gostivar dhe sekretar i Aleancës për Shqiptarët në Maqedoninë e Veriut.

Arben Taravari fajësoi qeverinë e RMV-së për indiferencë, ku tha për ministrat dhe kryeministrin e vendit se e vështruan zjarrin në spitalin e Tetovës nga “makinat e tyre luksoze”.

“Në orët e brendshme kur u nisa për në Tetovë për të parë gjendjen, të shihje ministrat, kryeministrin dhe funksionarë të tjerë me makina “Audi A8”, duke fotografuar me makina të blinduara, duke bërë sesione fotografish dhe duke u kthyer në shtëpitë e tyre”, u shpreh z. Taravari.

Taravari tha se në po të njëjtin spital, i cili është ndërtuar para pak muajsh, disa ditë më parë u raportuan probleme me gypat e oksigjenit, mirëpo “institucionet kompetente shëndetësore pavarësisht alarmeve e injoruan lajmin”.

LEXONI GJITHASHTU:

• Ekspertë të huaj për hetimin e zjarrit në spitalin e Tetovës
• 3 ditë zie kombëtare në RMV pas tragjedisë në spitalin e Tetovës