Osmani: E pamoralshme që targat e Millosheviçit të ecin lirshëm nëpër Kosovë

Presidentja e Kosovës, Vjosa Osmani lidhur me vendimin për targat ilegale, ka deklaruar se Kosova është shtet i sundimit të ligjit dhe duhet t’i jepet fund ndikimit të bandave kriminale të cilat i kërcënojnë qytetarët serbë dhe çdoherë kur ata dëshirojnë t’i përdorin targat e ligjshme të Kosovës, kërcënohen nëpërmjet djegies së shtëpive, djegies së automjeteve etj.

Osmani i bëri këto komente gjatë takimit me presidentin e Maltës, George Vella.

Sipas saj, çështja e targave është mbi të gjitha çështje e sundimit të ligjit sepse mbi 90 për qind të serbëve që jetojnë në Kosovë, tashmë i kanë konvertuar targat e së kaluarës në targa të ligjshme.

Pra e kanë respektuar ligjin dhe njëkohësisht kanë kontribuar në sundim të ligjit dhe në trajtim të të gjithëve në mënyrë të barabartë para ligjit.

LEXONI GJITHASHTU:

• Osmani: As SHBA, as BE s’na ka kërkuar të heqim dorë nga njohja reciproke
• Presidenti i Maltës sot në Kosovë