Osmani në CNN: Kosova është duke u sulmuar

Presidentja e Kosovës, Vjosa Osmani, tha të martën se Kosova është duke u sulmuar dhe se është viktimë e një akti të agresionit, pas sulmit nga grupe të armatosura serbësh ndaj Policisë së Kosovës në veri të vendit javë më parë.

Më 24 shtator, grupe të armatosura serbësh sulmuan policinë e Kosovës në fshatin e komunës së Zveçanit, Banjskë, duke vrarë rreshterin Afrim Bunjaku. Në shkëmbimin e zjarrit që pasoi, u vranë edhe tre sulmues.

Pesë ditë më vonë, përgjegjësinë për sulmin e mori Millan Radoiçiçit, i cili u mor në pyetjet sot nga prokuroria serbe në Beograd, por Osmani nuk beson se Serbia do ta dënojë apo ekstradojë atë tek autoritet e Kosovës.

“Natyrisht, gjëja e parë që ne e duam është që [shteti serb] t’ia dorëzojë Radoiçiçin dhe terroristët e tjerë Republikës së Kosovës, në mënyrë që drejtësia të vihet në vend. Serbia nuk ka histori të mirë për vënien e drejtësisë në vend”, tha Osmani të martën për televizionin amerikan CNN.

Ajo theksoi se “nuk ka asnjë rast kur kriminelët që kanë kryer krime lufte dhe gjenocid në Kosovë dhe Bosnjë që janë vënë para drejtësisë” në Serbi.

LEXONI GJITHASHTU:

• Vuçiç: Vjosa Osmani është më keq se Kurti për serbët
• Vjosa Osmani: Vuçiç po përsërit Millosheviçin! Liria do të mbizotërojë