Osmanit iu montuan foto me politikanë serbë, Presidenca: Policia të marrë masat

Presidenca e Kosovës ka sqaruar një fotografi të manipuluar që po qarkullon në rrjete sociale.

Në reagim theksohet se foto e montuar me kryeparlamentaren e Serbisë, Ana Bërnabiq dhe ministrin e Jashtëm të Serbisë, Marko Gjuriq, “është FAKE, një montazh i ndërtuar që të krijojë konfuzion dhe ta dëmtojë figurën e Presidentes Osmani”.

Presidenca i bën thirrje Policisë së Kosovës dhe autoriteteve kompetente që të ndërmarrin veprimet e nevojshme ndaj këtyre dezinformatave, “të cilat jo vetëm cenojnë sigurinë publike, por përbëjnë rrezik të drejtpërdrejtë për institucionet dhe për stabilitetin e vendit. Përhapja e dezinformatave të tilla duhet të trajtohet me seriozitet maksimal”, thuhet në reagim.

LEXONI GJITHASHTU:

• VIDEO/ Përplasje mes tifozëve pas përfundimit të ndeshjes Elbasani-Vllaznia
• Qëndrimi i Christopher Hill për Berishën non grata: Kam mendime personale…