Pa patentë, me maskë e shkop policie në makinë, arrestohet 26-vjeçari në Tiranë

Një 26-vjeçar është arrestuar nga policia në Tiranë pasi qarkullonte pa leje drejtimi, e cila i ishte hequr përfundimisht.

Policia tha se gjatë kontrollit në automjetin e tij u gjet një maskë e zezë dhe një shkop metalik që përdoret nga policia.

Forcat së Posaçme “Shqiponja” bazuar dhe në informacionet e marra në rrugë operative për një shtetas që qarkullonte me automjet pa leje drejtimi dhe që mbante sende të kundërligjshme në automjet,  kanë intensifikuar kontrollet për kapjen e tij dhe në rrugën “Njazi Meka”, kanë konstatuar dhe ndaluar automjetin e dyshuar.

Gjatë kontrollit rezultoi se drejtuesi i automjetit shtetasi A. H., 26 vjeç, banues  në Babrru, drejtonte automjetin pa leje drejtimi, pasi ajo i ishte hequr përfundimisht dhe drejtuesi i automjetit duhet të rifutej në kurs, për t’u ripajisur me leje drejtimi.

Gjatë kontrollit në automjet, shërbimet e Policisë gjetën dhe sekuestruan në cilësinë e provës materiale një maskë të zezë dhe një shkop metalik si ato të Policisë.

LEXONI GJITHASHTU:

• Policia kontrolle në banesën e të shumë kërkuarit në Durrës, arrestohet babai
• Shkeli arrestin shtëpiak për të pirë kafe, policia kap 39-vjeçarin