Pacientit i ngec mishi në fyt, mjeku që ia hoqi: Kishte 12 orë i bllokuar

Ushqimet edhe pse në dukje të zakonshme, mund të kthehen në rrezik për shëndetin tonë nëse nuk i konsumojmë siç duhet, sidomos për sa i përket sasisë që kapërdijmë.

Një pacient 64-vjeçar ka pasur një komplikim teksa ishte duke konsumuar mish, gjë që mund të kishte edhe komplikime të mëtejshme.

Ekipi i Pulmologjisë i Qendrës Klinike Universitare të Kosovës, i ka shpëtuar jetën pacientit, pasi një copë e mishit pas gëlltitjes ia kishte bllokuar rrugët e frymëmarrjes.

Artan Haxhia, pneumolog në një intervistë për emisionin ‘Good Morning Albanians’ në Euronews Albania, theksoi se rasti ka ndodhur më datë 5 maj ndërkohë që pacienti kishte 12 që ishte bllokuar.

Më tej ai shtoi se pacienti shkoi në spital në gjendje të rënduar por që për fat të mirë ia dolën që të ja nxirrnin me sukses.

“Rasti ka ndodhur më datë 5 të këtij muaji, ishte pasdite dhe vjen një pacient me një grafi të thjesht, që nuk shihej asgjë.  Na zgjati 12 orë për ta nxjerrë trupin e huaj. Pacienti erdhi në gjendje të rënduar, mirë po për fat të mirë ia dolëm që t’ia nxjerrim. Mishi ishte një biftek, por nuk ishte bërë mirë procesi i përtypjes”- tha ai.

LEXONI GJITHASHTU: 

• Serbia përgatit amendament të rezolutës për integritetin e Ukrainës
• Eksperti Daci: Ne e blejmë ujin të skaduar pavarësisht datës së stampuar