Paketa fiskale, Alban Zusi: Nuk ka pasur konsultime, 6% për fermerët i papërballueshëm

Alban Zusi, shoqata e Industrialistëve Ushqimorë thotë se qeveria nuk është konsultuar me grupet e interesit për ndryshimet e fundit për TVSH mbi fermerët dhe prodhuesit.

Sipas tij ka një prekje të qenësishme në mënyrën se si funksionon ekonomia jo thjesht taksat e një kategorie të caktuar dhe konsulta ishte e domosdoshme.

“TVSH për fermerët me 6% njerëzit kujtojnë se është vetëm bujqësia, por bujqësia po t’i bashkëlidhësh industrinë ushqimore dhe të gjithë sektorët që janë të bashkëlidhur shkon në 40-45% të GDP-së së vendit. Të prekësh këtu pa konsultim publik është guxim shumë i madh”, deklaroi z. Zusi.

Ai shtoi se “kjo ndërhyrje tregon se (qeveria) vetëm vizion nuk ka” dhe paralajmëroi se si “9-12% mund të ketë rritje të çmimeve vetëm për efekt të taksave për fermerët dhe prodhuesit”.