“Palestina qeveriset nga Hamasi, nuk kanë faj palestinezët” – Izraeliti flet hapur

Ka shumë izraelitë që kanë ndërtuar biznese ose kanë bashkëpunime me vendin tonë. Ndër ta është edhe Joseph Vanken, i cili aktualisht është në Shqipëri dhe sot do ta kemi në studio.

Ai udhëton çdo javë nga Shqipëria në Izrael. Familja e tij është në Izrael dhe po kalon momente të vështira gjatë këtyre ditëve.

Në një intervistë për emisionin GoodMorning Albaninas në Euronews Albania ai tha se populli palestinez është i pafajshëm në konfliktin e ashpër me Izraelin, pasi Palestina qeveriset nga organizata terroriste e Hamasit.

“Njerëzit e Palestinës janë duke u qeverisur nga Hamas që është një organizatë terroriste, kështu që njerëzit e Palestinës nuk kanë një zgjidhje tjetër veçse të dëgjojnë çfarë thonë ata, kështu që ka një presion të përditshëm te marrëdhëniet mes njerëzve të Palestinës dhe Izraelit. Mendoj se njerëzit e Palestinës janë shumë të mirë por për shkak të qeverisjes janë të drejtuar në zgjedhjet që përcaktohen nga ata. Njerëzit atje e ndiejnë se Hamas është një organizatë terroriste dhe duhet të ikë po kanë edhe frikë për jetën e tyre”, tha ai.

LEXONI GJITHASHTU:

• Mediu: Të jemi të qartë me qëndrimin tonë, Izraeli e njeh Kosovën, Palestina jo
• Zhvendosja e ambasadës në Jerusalem, Palestina reagon ndaj Kosovës dhe Serbisë