Panelet diellore, qeveria rihap thirrjen për qytetarët: Paguajmë 70% të vlerës

2000 qytetarë mund të përfitojnë panele diellore për ngrohje uji me cmim të ulët. Qeveria planifikon të rihapë aplikimet në vitin 2024, duke paguar 70% të kostos.

Qeveria do të ndihmojë 2000 familje, të cilat do të vendosin panele diellore në banesat e tyre. Ky angazhim është pjesë e programit të ministrisë së Energjisë dhe Infrastrukturës, e cila paguan më shumë se gjysmën e vlerës së panelit që instalohet e që shërben për ngrohjen e ujit.

Nisma është pjesë e programit buxhetor të vitit 2024 dhe si e tillë ende nuk është bërë aktive, por e njëjta politikë u ndërmor edhe vitin e kaluar.

Interesi ka qenë i madh vitin e kaluar, teksa një panel i tillë ul ndjeshëm kostot në faturën e energjisë elektrike.

Kujtojmë se aplikimet vitin e kaluar u bënë përmes faqes eficenca.al, dhe për të fituar pajisjen,  kërkoheshin dokumente të tillë, si certifikata, libreza e energjisë elektrike e hipoteka.

Paneli diellor shitet rreth 140 mijë lekë në treg, por qytetari ka paguar 42 mijë lekëm ndërsa pjesa tjetër eshte mbuluar nga qeveria për njërën nga 7 kompanitë e licencuara për shërbimin.

Për vitin 2024 nuk ka ende një datë për hapjen dhe mbylljen e aplikimeve.

LEXONI GJITHASHTU:

• Shqipëria investon te panelet diellore, rritet prodhimi nga fotovoltaikët
• Të shtohen panelet diellore për të reduktuar varësinë nga gazi rus, thotë BE-ja