Panik në aeroportin e Hamburgut, një person i armatosur çan gardhin mbrojtës

Aeroporti në Hamburg në veri të Gjermanisë u mbyll për pasagjerët dhe fluturimet u anuluan pasi një automjet depërtoi një gardh mbrojtës, njoftoi agjencia gjermane e lajmeve dpa.

Policia Federale tha se personi  i armatosur kaloi automjetin e tij përmes portës dhe qëlloi dy herë në ajër. Sipas zëdhënësit të policisë Thomas Gilbert, ai hodhi dy kokteje molotov nga makina dhe qëlloi disa të shtëna nga makina.

Policia tha gjithashtu se gruaja e burrit i kishte kontaktuar më parë për rrëmbimin e mundshëm të fëmijës, raporton ABC News.

Disa media lokale gjermane raportuan se burri kishte dy fëmijë në makinë, por policia deri më tani ka konfirmuar se ishte vetëm një.

Gilpert tha për dpa se një numër i madh i oficerëve të policisë shtetërore dhe federale ishin në vendngjarje dhe pranë automjetit.

Siç raporton Index.hr, me shumë gjasa bëhet fjalë për një mosmarrëveshje për kujdestarinë e fëmijës, tha një zëdhënëse e policisë për t-online. Dyshohet se burri ka rrëmbyer fëmijën e tij katër vjeçar.

LEXONI GJITHASHTU:

• Helmimi i vajzave në 52 shkolla të Iranit, qeveria akuzon median për panik
• 2-vjeçari porosit 31 hamburgera nga telefoni i të ëmës