Pano: Nënat surrogate, një nga bizneset më fitimprurëse aktualisht

Linda Pano nga Koalicioni shqiptar ‘Pro Familjes dhe Jetës’, është shprehur se surrogacia është një nga bizneset më fitimprurëse në botë.

E ftuar në emisionin “Good Morning Albanians” në Euronews Albania, ajo theksoi  se vajzat e reja po përdoren për t’u trafikuar nga vendet e pasura që mund të shërbejnë si nëna surrogate.

“Surrugacia është për momentin një nga bizneset më fitimprurëse në  botë. Është skllavëri moderne. Po përdoren vajzat e reja  për t’u trafikuar nga vendet e pasura që mund të shërbejnë si nëna surrugate. Fëmijët që lindin nga këto nëna përdoren dhe për trafikim”- u shpreh ajo.

Nga ana tjetër Enriketa Kroi theksoi se nënat surrogata marrin minimumi  60 mijë euro për të lindur fëmijën e dikujt tjetër.

“Nëna sorragate e mban 9 muaj fëmijën në bark, kundrejt kontratave ligjore që kryhen, kundrejt dhe një pagese e cila ka ardhur gjithmonë në rritje. Ka filluar nga 30 mijë euro dhe tani minimumi është 60 mijë euro. Pas 9 muajsh fëmija i dorëzohet prindërve”- tha ajo.

LEXONI GJITHASHTU: 

• Eksperti: Barna të pasigurta në Shqipëri, zero kontrolle sipas raportit të KLSH
• Ursula von der Leyen: Marrëdhëniet BE-Kinë janë të ndërlikuara