“Papa lau këmbët e të burgosurve”, Dom Mark Pashkja: Ja cili është kuptimi

Dom Mark Pashkja i ftuar në Euronews Albania tha  se  veprimi i Papës i cili lau këmbët e të burgosurve vjen si një veprim me referenca biblike. Sipas tij ky veprim tregon  përkujdesjen ndaj shtresave disi të harruara të shoqërisë.

Ai shpjegoi se një veprim të tillë e ka bërë edhe vetë Jezu Krishti për të treguar se Krishti nuk erdhi që  ne ti shërbenim, por për të shërbyer.

“Në fakt ajo është pjesë liturgjike që është bërë të enjten, pra mbrëmë në darkë, kur është mesha që përkujtohet darka e fundit.  Gjithçka vjen nga pjesa ungjillore ku para darkës së fundit, Jezu Krishti i lau këmbët të burgosurve, për të përcjellë mesazhin  që Jezu Krishti nuk erdhi për të qenë i shërbyer, por për të shërbyrer.

Në fakt kjo qëndron edhe në themel të krishtërimit, sepse kisha katolike, ekziston për këtë shërbim dhe për këtë dashuri e kryesisht për njerëzit e varfër, të burgosur, për ata që në një farë menyre janë përjashtuar nga shoqëria. Papa zgjedh  burgjet dhe institucione që nuk janë larg vëmendjes. Papa Françesku është konsideruar si Papa i atyre shtresave që nuk kujtohen”,-tha Dom Mark Pashkja.

LEXONI GJITHASHTU:

• Denoncon PD: Policia shoqëroi dhe shantazhoi kandidatët tanë në Vaun e Dejës
• Sondazhi: Disa të rinj më shumë duan kafshët sesa partnerin e tyre
• Vatikani: Papa del sot nga spitali, të dielën do të mbajë meshën