Parandalimi i dhunës në familje, prezantohet sistemi për monitorimin në Kosovë

Parandalimi i dhunës në familje, sidomos ne rastet qe kane urdhër mbrojtje nga gjykata, tashmë do te jete shume me efikas. Kjo pasi nga e marta është prezantuar sistemi i hallkave për mbikëqyrje elektronike. Kryeministri i Kosovës, Albin Kurti, tha se ky është një hap gjigant. 

Ndërsa, ministrja e drejtësisë, Albulena Haxhiu, tha se ky është projekti më i rëndësishëm në kuadër të 16 ditëve të aktivizimit kundër dhunës në bazë gjinore.

Nga ana tjetër, drejtori i policisë, Gazmend Hoxha tha se ky hap ofron për policinë edhe një mjet shtese në parandalimin e dhunës në familje. 

Pajisja e policisë me hallka për mbikëqyrje elektronike po ndodh 9 vjet pas miratimit të ligjit për monitorimin elektronik të personave të cilëve u kufizohet lëvizja me vendim të gjykatës, i cili ishte miratuar në vitin 2015.

• Ambasadori Hovenier largohet nga Kosova në dhjetor: Do dal në pension
• Policia e Kosovës konfiskon shumë të madhe parash të dyshuara si të falsifikuara