Ambasadori Hovenier largohet nga Kosova në dhjetor: Do dal në pension

Ambasadori i Shteteve të Bashkuara të Amerikës, Jeffrey Hovenier, do ta përfundojë në fund të muajit mandatin e tij në Kosovë.

Ai tha të martën në një konferencë të organizuar nga NDI të martën se shërbimi në Prishtinë do të jetë i fundit për të dhe se në fundi të vitit do të dilte në pension.

”Do të dal në pension pas 34 vitesh e shtatë muajsh, në fund të dhjetorit”, tha Hovenier.

Ai ka shprehur falënderimin e tij për bashkëpunimin me institucionet në Kosovë, por edhe ndaj administratës Biden për mundësinë e dhënë për të shërbyer në Departamentin e Shtetit.

Ndër tjera Hovenier theksoi se ambasadorët janë në fokus, ”por puna dhe përkushtimi i vërtetë vijnë nga të gjithë ju”.

Këto komente ambasadori Hovenier i dha në ditën e dytë të edicionit të tetë të Konferencës për Integritet të Informacionit DISICON.

LEXONI GJITHASHTU:

• KE: Rritet mbi 100 për qind numri i kërkesave të pabaza për azil nga Kosova
• Davor Ivo Stier: BE e ka dhënë mesazhin, nuk do tolerojë destabilizimin e Kosovës