Parashikimi i motit për javën, ja kur do të nisin reshjet e shiut

Meteorologu Hakil Osmani tha në një intervistë për “Good morning Albanians” në Euronews Albania se temperaturat gjatë kësaj jave do të pësojnë rënie të ndjeshme.

Ai tha se e hëna do të jetë në mbizotërimin e motit të kthjellët, situatë e cila do të jetë edhe të martën, kur në orët e pasdites të nisë shtimi i vranësirave.

Sipas meteorologut, e mërkura dhe e enjtja do të mbeten me mot të paqëndrueshëm.

“Kjo do të thotë që do të kemi reshje shiu në ultësirën perëndimore në sasi të pakta, ndërsa në zonat malore do të bjerë borë. Presim një përmirësim të kushteve të motit në pjesën e dytë të ditës së enjte dhe ditës së premte dhe më pas fundjava ka sërish sinjale që të ketë prezente reshjet e shiut në territorin shqiptar në qytetet e zonës së ulët dhe ato bregdetare me intensitete deri mesatare, ndërsa në zonat malore do të kemi reshje dëbore,” – u shpreh Osmani.

LEXONI GJITHASHTU:

• “Vrasja e Liridonës është e zbardhur”- Ish-prokurori: Këto janë dy motivet kryesore
• Parashikimi i motit për muajin dhjetor, kur priten reshje intensive bore