Parisi bën bashkë Kurtin dhe Ramën, dy liderët marrin pjesë në Forumin e Paqes

Edi Ramën dhe Albin Kurtin i bashkon Parisi. Ata kanë udhëtuar ditën e sotme drejt kryeqytetit francez, ku me ftesë të presidentit Macron do të marrin pjesë në Forumin e Paqes.

Mbrëmjen e kësaj të enjteje ata do të jenë pjesë e darkës me krerët e shteteve dhe qeverive pjesëmarrëse në këtë forum.

Të shtunën, më 11 nëntor, duke filluar nga ora 10:00, në kuadër të ditës së dytë të Forumit të Paqes, Kurti do të marrë pjesë në panelin e diskutimit me temën “Krijimi i paqes dhe ndërtimi i një bote më të sigurt”, ndërkohë që gjatë qëndrimit atje do të zhvillojë disa takime  bën të ditur zyra e shtypit e kryeministrit Kurti.

Çfarë temash priten të trajtohen në Forumin e Paqes:

Problemet globale pa zgjidhje bashkëpunuese çojnë në konflikte.

Sfidat me të cilat përballet bota – ndryshimet klimatike, terrorizmi, migrimi, pasiguria kibernetike dhe të ngjashme – shpërfillin kufijtë. Trajtimi i tyre kërkon bashkëpunim ndërkombëtar dhe veprim kolektiv. Megjithatë, bashkëpunimi është gjithnjë e më i vështirë pasi vendet po shohin interesat e tyre. Sot, bashkësia ndërkombëtare nuk arrin të prodhojë zgjidhjet e nevojshme.

Bota jonë nuk po shkon në drejtimin e duhur.

Shtetet po konkurrojnë fort për avantazhe dhe populizmi po dëmton institucionet dhe mekanizmat për veprim kolektiv. Hapësirat demokratike po zvogëlohen dhe pabarazitë po zgjerohen. Shpenzimet ushtarake po rriten me shpejtësi ndërsa buxheti i Kombeve të Bashkuara është shkurtuar. Normat ndërkombëtare, në veçanti, të drejtat e njeriut, nuk respektohen. Interneti po bëhet një xhungël ku hakohen të dhënat dhe përhapen lajme të rreme. Drejtësia ndërkombëtare po vihet pyetje. Dhe ne po humbasim garën kundër ngrohjes globale.

Kjo situatë nuk është e favorshme për paqen.

Ajo çon në konflikte të reja në të gjitha kontinentet. Paqja nuk është vetëm pezullimi i luftës. Paqja përbëhet nga të gjitha zgjidhjet që ndihmojnë në uljen e tensioneve ndërkombëtare: bashkëpunimi për të luftuar ndryshimet klimatike dhe për të zbutur mungesën e burimeve, institucionet për të kanalizuar rivalitetet e pushtetit dhe për të administruar më mirë të mirat publike globale, rregullore për të adresuar abuzimet e pushtetit dhe pabarazitë, ura ndër brezash dhe barazi gjinore. për të krijuar shoqëri më paqësore. Me fjalë të tjera, paqja do të jetë e qëndrueshme vetëm nëse qeverisja efektive globale e mbështet atë.

Prandaj ky forum kerkon te bashkojë të gjithë palët e interesuara për të avancuar zgjidhje konkrete aty ku nuk ekzistojnë.

LEXONI GJITHASHTU:

• Kurti refuzon Lajçak, zbulon pse nuk u takua me përfaqësuesin special të BE
• Media gjermane: Vuçiç mund të marrë goditjen e madhe
• Talat Xhaferi për shkëmbimin e territoreve: Do ishte fatale për Ballkanin