“Parlamenti duhet të kthehet në shina kushtetuese”, Cara: Ç’na pret në 2025-ën

Deputeti i Partisë Demokratike Igli Cara ishte këtë të mërkurë i ftuar në “Barometri” në Euronews Albania ku komentoi sondazhet e realizuara në lidhje me mendimin e qytetarëve për deputetët.

I pyetur se si mendon se do të jetë viti 2025 në Parlament, Cara tha se shpreson që të jetë më i mirë dhe që duhet me patjetër që ai të kthehet në “shina kushtetuese” e të mos urdhërohet më nga qeveria.

“Uroj që parlamenti të kthehet në shina kushtetuese, që parlamenti të urdhërojë qeverinë dhe jo e kundërta siç është aktualisht. Partia Demokratike ka kohë që i ka shpallur primaret, kështu e kemi tani në statusin e Partisë Demokratike. Unë shpresoj të jetë më i mirë viti 2025 pasi do të ketë ndryshime.

I pyetur se çfarë është një deputet i mirë, Cara tha:

“Një deputet i mirë është ai që respekton ligjin, që nuk e çojnë bandat dhe i thonë kryetarit të partisë që ta çojnë në atë karrige dhe mbi të gjitha me programin e partisë i shërben qytetit dhe Shqipërisë dhe jo interesave të partisë”,-tha ai.

LEXONI GJITHASHTU:

• “Nuk ka deputet disidentë që nga 2009”, Shehi: Është ngritur kult për kryetarin
• Sondazhi për deputetët, Klosi: Ka ikur koha e individit, rëndësi ka forca politike