Parlamenti mban 1 minutë heshtje në nderim të ish-deputetit Marko Bello

Parlamenti i Republikës së Shqipërisë mbajti një minutë heshtje në nder të ish-deputetit të ndjerë Marko Bello, i cili më 12 shtator shënonte dhe datën e lindjes.

Ishte kreu i Partisë Republikane Fatmir Mediu ai i cili kërkoi nga kolegët që të mbanin një minutë heshtje për ish-deputetin socialist.

“Unë kam një kërkesë zonja kryetare. Pardje ishte një moment sa i dhimbshëm, por dhe vlerësues për përkujtimin e jetës së njërit nga miqve tanë, kolegë në palament, diplomat, gazetar, ministër, zotit Marko Bello. Ndaj do desha të mbanim një minutë heshtje në vlerësim të jetës dhe mikut tonë Marko Bello”, tha Mediu

Marko Bello, lindi më 12 shtator të vitit 1961 dhe u nda nga jeta më 4 dhjetor 2020.

Ai ishte ish-deputet i Partisë Socialiste si dhe ka mbajtur postin e ministrit për Integrimin Evropian dhe ministër Shteti për Koordinimin Qeveritar. Në periudhën 1997-2000, Marko Bello ka shërbyer si ambasador i Shqipërisë në Rumani dhe më pas zv.ministër i Mbrojtjes. Marko Bello ishte dhe një nga anëtarët themelues të Këshillit të Ambasadorëve Shqiptarë.

LEXONI GJITHASHTU:

• Prioritet e PS në parlament, Çuçi zbulon axhendën e socialistëve për këtë sesion
• Përkujtimi i Marko Bellos bën bashkë politikanët në Shqipëri