Partia Demokratike ankimon në KAS rezultatin e zgjedhjeve në Korçë

Partia Demokratike ka depozituar në Komisionin e Ankesave dhe Sanksioneve një kërkesë zyrtare për shpalljen e pavlefshme të zgjedhjeve parlamentare të 11 majit 2025 në Qarkun e Korçës.

Në kërkesën e dorëzuar pranë KQZ-së, PD kërkon rrëzimin e tabelës përfundimtare përmbledhëse të rezultatit zgjedhor në këtë qark, duke argumentuar se procesi zgjedhor nuk ka qenë i rregullt. Lidhur me këtë parregullsi, sipas PD-së procesi ka qenë i manipuluar dhe i ndikuar në mënyrë të jashtëligjshme si dhe është përfshirë presion mbi votuesit.

PD gjithashtu kërkon përsëritjen e zgjedhjeve për Kuvendin e Shqipërisë në të gjithë zonën zgjedhore të këtij qarku.

Komisioni Qendror i Zgjedhjeve certifikoi rezultatin e zgjedhjeve të 11 majit me tabelat përmbledhëse të 12 qarqeve, duke vulosur rezultatin 83 mandate për PS, 50 për PD-ADSHM dhe 7 mandate për forcat e tjera të reja; 3 PSD, 2 Mundësia, 1 Lëvizja Bashkë dhe 1 Nisma Shqipëria Bëhet.

LEXONI GJITHASHTU:

• PD depoziton në KAS kërkesën për përsëritjen e zgjedhjeve në qarkun e Beratit
• Nuri: PD do të ankimojë rezultatin e zgjedhjeve për të gjitha qarqet