Partia Demokratike zbulon emrin e kandidatit për Bashkinë e Vorës

Partia Demokratike ka prezantuar emrin e kanidatit të kësaj force politike për Bashkinë e Vorës. Përmes një njoftimi në faqen zyrtare në facebook, Partia Demokratike e udhëhequr nga kryetari i komanduar Enkelejd Alibeaj, njofton se kandidati i PD-së për Vorën do të jetë Arif Bruka, me profesion mjek.

NJOFTIMI I PD-SË

Ibrahim Bruka, Kandidat i Partisë Demokratike për Kryetar Bashkie në Bashkinë Vorë.

Ibrahim Arif Bruka është lindur në 15 Shkurt 1962 në Ujmisht të Kukësit. Në vendlindje ka mbaruar arsimin 8-vjeçar të kohës. Arsimin e mesëm të përgjithshëm në vitit 1977-1981 në shkollën e mesme të bashkuar në Kukës. Gjatë viteve 1981-1982 kreu stazhin në prodhim. Në vitet 1982-1987 mbaroi studimet e larta Fakulteti i Mjekësisë, dega mjekësi e përgjithshme në Universitetin e Tiranës.
Ne vitet 1987-1988, Ibrahimi ka punuar si mjek i përgjithshëm në Kukës. Në vitet 1988-1991 ka kryer studimet post universitare për kirurgji dhe gjatë kësaj kohe është emëruar mjek kirurg në QSUT, Nënë Tereza, Tiranë.

Aktiviteti politik: Aktiv gjatë lëvizjes së dhjetorit 90’dhe në vazhdim pa shkëputje.
Në viti 2001 Ibrahim Bruka ishte kandidat për deputet dhe fitues në zonën 44 në Tiranë. Pjesmarrës i përhershëm në të gjitha fushatat për zgjedhjet qendrore dhe lokale dhe i deleguar në Tiranë dhe në qarqe të tjera. Anëtar i komisionit të disiplinës, i votuar nga Këshilli Kombëtar i kohës nga viti 2005 deri në vitin 2009. I propozuar për çdo fushatë lokale dhe qëndrore si kandidat nga Tirana, Kamza, Vora dhe Kukësi. Pjesë e primareve reale në 2020 dhe fitues i garës. Aktualisht anëtar i KKPDSH, nga Kuvendi i Korrikut 2021. Asnjë lidhje me diktaturën personalisht por dhe nga familja.

Ibrahim Bruka kandidon për Bashkinë Vorë, me qëllimin e vetëm: T’i kthejë pushtetin vendor qytetarëve të Vorës, të cilët kanë nevojë më shumë se kurrë për një vizion e qasje të re të mirëqeverisjes!

LEXONI GJITHASHTU

• Berisha nuk regjistrohet në koalicionin me Metën
• Indrit Sefa kundërshton përfshirjen e PD në koalicionin Berisha-Meta
• Sa janë shanset për të votuar Belind Këlliçin? Përgjigjen qytetarët e Tiranës