“Partizani”/ Apeli i GJKKO lë në “arrest shtëpie” Sali Berishën

Apeli i GJKKO ka rrëzuar mëngjesin e kësaj të enjteje ankimimin e Sali Berishës, lidhur me ndryshimin e masës së sigurisë.

Në këtë formë mbetet të fuqi vendimi i Gjykatës së Shkallës së parë që do të thotë se ish-kryeministri do të vijojë të qëndrojë në arrest shtëpie. Gjyqtarja që mori vendimin ditën e sotme në Apelin e Gjkko ishte Ilirjana Olldashi.

Avokati i ish-kryeministrit Berisha, Genc Gjokutaj ka deklaruar se do të depozitojnë rekurs në Gjykatën e Lartë, për të kundërshtuar masën e sigurisë.

Kujtojmë se Sali Berisha është në “arrest shtëpie” që prej 30 dhjetorit 2023. Kjo masë kundër tij u mor pasi ai nuk zbatoi masën e detyrim paraqitjes, duke refuzuar të shkojë në SPAK.

Berisha është person nën hetim për korrupsion në lidhje me çështjen “Partizani”. Për të njëjtën çështje është në “arrest shtëpie” edhe dhëndri i tij Jamarbër Malltezi, ndërsa ndërtuesit Fatmir Bekteshi i është caktuar masa e sigurisë “detyrim paraqitje”.

LEXONI GJITHASHTU:

• “Berisha, guri i parë i dominosë”, Mërtiri: Pse Rama përpiqet “ta mbajë në këmbë”
• Berisha: Basha është peng në kthetrat e Edi Ramës, do përfundojë me turp