“Pas 30 vitesh internim, liria e pabesueshme”, Mirakaj: Momenti kur takova babin

Valbona Mirakaj e cila u internua në moshën 16-vjeçe, tregoi se liria pas 30 vitesh iu duk e pabesueshme.

Në një intervistë për emisionin “Real People” në Euronews Albania, rrëfeu momentin e bashkimit me të atin në aeroport pas 46 vitesh ndarje.

Ajo shprehet se ne momentin qe e pa, gjithçka rreth tij iu be errësirë dhe fytyra e të atit ishte drita e vetme.

“Prindërit kanë vuajtur më shumë se unë, e kuptova kur u bëra prind vetë. Isha 30 vite në internim. Pas 30 vitesh internim liria mu duk e pabesueshme. Mua mu desh të blija një pasaportë fshehurazi, 600 dollarë, dhe mora djalin. Hipëm në avion dhe më dukej sikur do na kthenin.  Kur e pashë babin për herë të parë isha 46-vjeçe,  më la 1 muajshe. Kur zbrita fytyra e babit mu duk si dritë, e gjitha mu duk si errësirë.  Babi fliste gjatë gjithë kohës, donte të hiqte emocionet.  Kishte vënë fotografinë e mamit dhe një tufë lule te makina. Thoshte mirë se erdhe zonja e shtëpisë”-tha ajo.

LEXONI GJITHASHTU: 

• “U vesha nuse në kamp, si e njoha partnerin e jetës në internim”- rrëfehet Mirakaj
• “Më iku zëri kur thirra “mami” për herë të parë”, rrëfehet mes lotësh e internuara