Pasaporta false që shpëtoi “mbretin e kokainës” dhe lidhjet politike në Ekuador

Gazetari Eni Ferhati tha në emisionin Now në Euronews Albania se Dritan Rexhepi i cilësuar si mbreti i kokainës, e mori këtë nofkë pasi arrinte të nxirrte sasi të mëdha, deri në tonelata, kokaine nga porti i Ekuadorit.

Ai tregoi se Rexhepi kishte mundur të nxirrte në 2011 një pasaportë biometrike false me identitetin e një personi tjetër dhe lëvizte lirshëm brenda dhe jashtë vendit.

“Fakti që Dritan Rexhepi në skedarët e policisë rezulton shumë herët, cilësohet shumë dinak. Ai ka bërë një arratisje spektakolare nga policia e Durrësit duke u hequr si oficer policie. Në 2011 për herë të parë arrin të marrë një pasaporte biometrike me identitet fals, të Lulëzim Murataj, me anë të saj lëvizte i lirë brenda dhe jashtë vendit. Lidhjet deri në nivel politik në Ekuador e hiperbolizuan figurën e tij. Ai arriti të bëhet drejtues i një prej kompanive më të mëdha që sillnin fruta ekzotike në Evropë nga Ekuadori. Tek ne vitet e fundit është rritur me disa fish importi i frutave ekzotike. Emri i Rexhepit lidhet me shumë kompani të tilla që operojnë në Shqipëri dhe që janë kapur”, tha gazetari.

LEXONI GJITHASHTU:

• SPAK përgatit dosjen për ekstradimin e Dritan Rexhepit
• Arrestimi i Dritan Rexhepit, Artan Hoxha: Ishte shqiptari më i kërkuar në botë