Noka: Basha, bashkëpunëtor në shembjen e shtëpive tek ‘5 Maji’

Deputetët e PD, Flamur Noka, Belind Këlliçi, Agron Shehaj iu bashkuan banorëve të lagjes ‘5 Maji’ që protestojnë para kuvendit për shembjen e banesave të tyre.

Noka akuzoi qeverinë se po sillet në mënyrë çnjerëzore me këta banorë, ndërsa theksoi se prapa shembjeve te 5 Maji fshihen interesat e përbashkëta të Ramës dhe Bashës.

Ai  bëri përgjegjës kreun e PD për tradhtinë e çështjes së Unazës së re për interesat e veta personale.

“Ajo që është edhe më e rëndë dhe që vetë banorët e ‘5 Majit’ e kanë thënë, është fakti se në të gjitha këto projekte ka një bashkëpunim mes Ramës dhe Bashës. Çështja e Unazës u tradhtua dhe u braktis, ka pasur shumë akuza se pas kësaj ishte Basha. Tani është e qartë se Rama dhe Veliaj nxjerrin në rrugë banorët e kësaj zone, pasi prapa është Lul  Brava me Alibeajt që përfitojnë nga këto projekte. Janë bërë bashkë që t’u pinë gjakun këtyre njerëzve”, tha Noka.

LEXONI GJITHASHTU:

• Protestuesi: Po jetoj mes gërmadhave, na grabitën pronat
• Banorët e “5 Majit” protestë para Kuvendit dhe Bashkisë