PD-ja do të kërkojë komision hetimor për investimet strategjike, thotë Bardhi

Deputeti demokrat Gazment Bardhi ka reaguar në lidhje me vendimin e qeverisë këtë të mërkurë, e cila rrëzoi kërkesën e PD-së, për ngritjen e një komisioni të posaçëm për verifikimin e investimeve strategjike.

Përmes një postimi në rrjetet sociale, Bardhi shprehet se ditën e nesërme, PD-ja do të depozitojë kërkesën për ngritjen e një komisioni hetimor në lidhje me këtë çështje.

Sipas Bardhit, përpjekjet e kryeministrit Edi Rama për t’i fshehur qytetarëve aferat korruptive të ministrave të tij, do të dështojnë.

1/4. Edi Rama rrëzoi sot kërkesën e PD për komision të posaçëm për verifikimin e procedurave për investimet strategjike, duke pranuar defacto se pasurinë publike e ka kthyer në plaçkë për miqtë dhe familjarët e tij.

— Gazment Bardhi (@GazmentBardhi) May 11, 2022

Konferenca e Kryetarëve vendosi sot për rrëzimin e kërkesës të 7 deputetëve për ngritjen e Komisionit të Posaçëm të Kuvendit për Investimet Strategjike.

Deputetët e Partisë Demokratike kërkuan verifikimin e procedurave të ndjekura nga qeveria për dhënien e statusit investitor strategjik të një sërë kompanish.

Sipas deputetëve të PD, ky komitet ka dhënë vendime që prekin çështje të pronave pa transparencë.

LEXONI GJITHASHTU

• Rrëzohet kërkesa e 7 deputetëve për komision për investimet strategjike
• 7 deputetë të PD-së i kërkojnë Kuvendit Komision për investimet strategjike
• Cilat janë përfitimet e investitorëve strategjikë?