PD kërkoi çregjistrimin e Ismailajt nga zgjedhjet, KAS nuk merr në shqyrtim kërkesën

Komisioni i Ankimimeve dhe Sanksioneve ka rrëzuar kërkesën e bërë nga Partia Demokratike për çregjistrimin e kandidatit të Partisë Socialiste për bashkinë Mallakastër, Qerim Ismailaj, me arsyetim pasi ai është subjekt i ligjit të dekriminalizimit.

Partia Demokratike më herët ankimoi në KAS regjistrimin e kandidatit të Partisë Socialiste për Bashkinë Mallakastër, Qerim Ismailaj.

“Komisioni i Ankimimeve dhe Sanksioneve shqyrtoi elementët e formës dhe të përmbajtjes së kërkesës ankimore nr. 48, datë 07.04.2023, me ankues Partia Demokratike e Shqipërisë, me objekt “Shfuqizimi pjesërisht i vendimit nr. 300, datë 05.04.2023 të Komisionerit Shtetëror të Zgjedhjeve “Verifikimi i deklarimeve në formularët e vetëdeklarimit të kandidatëve për kryetar bashkie për zgjedhjet për organet e qeverisjes vendore të datës 14 maj 2023”. Ndalimin e kandidimit të kandidatit për kryetar bashkie të Mallakastrës, shtetasit Qerim Ismailaj, të propozuar nga Partia Socialiste e Shqipërisë”.

Në përfundim të shqyrtimit paraprak, KAS me shumicë votash vendosi moskalimin për shqyrtim të kërkesës ankimore”- thuhet në njoftimin e KAS.

LEXONI GJITHASHTU: 

• Fshati i parë ekologjik në Austri, banorët jetojnë me riciklimin e mbeturinave
• Qëndruan të bllokuar për 14 orë, shpëtohen të gjithë minatorët e Trepçës