PD kërkoi pavlefshmërinë e zgjedhjeve në Korçë, Lezhë, Gjirokastër, KAS jep vendimin

Komisioni i Ankimeve dhe Sanksioneve, KAS ka rrëzuar kërkesën e koalicionit PD-ASHM për shpalljen të pavlefshme të zgjedhjeve parlamentare në qarqet Korçë, Lezhë dhe Gjirokastër.

KAS i hodhi poshtë si të pambështetura në ligj dhe në prova këto kërkesa dhe lënien në fuqi të komisionerit shtetëror të zgjedhjeve për miratimin e tabelave përmbledhëse të rezultateve në këto qarqe.

Më herët gjatë ditës Komisioni i Ankesave dhe Sanksioneve në Komisionin Qendror të Zgjedhjeve vendosi të hapë kutitë e votimit të qarkut Tiranë për një rinumërim të plotë të votave.

Vendimi u mor me kërkesën e dy anëtarëve të KAS-it, nga radhët e PD-së, dhe përfshin të gjitha qendrat e votimit në këtë qark.

Për shkak të volumit të madh, mbi 1282 kuti votimi, procesi i rinumërimit do të zhvillohet në një datë ende të pacaktuar, pasi kërkon kohë për organizimin logjistik.

LEXONI GJITHASHTU:

• Pas hapjes së kutive në Tiranë, KAS vendos rinumërim të votave të PD në Dibër
• PD kërkoi shpalljen e pavlefshme të zgjedhjeve në Kukës, KAS merr vendimin