PD kërkon zgjatjen e hetimin për “TIMS”, Salianji: Kanë dalë të dhëna të llahtarshme

Partia Demokratike ka kërkuar zgjatjen e hetimit për komisionin hetimor të TIMS. Në mbledhjen e kësaj të hëne, u mor dëshmia e fundit e Dorian Tolës, ish-drejtor i Autoritetit Kombëtar për Sigurinë e Informacionit të Klasifikuar.

Kryetari i Komisionit Hetimor nga radhët e partisë Demokratike, Ervin Salianji, kërkoi zgjatjen e hetimit, pasi të dhënat e dala janë të llahtarshme dhe nuk duhet të shmangen nga hetimi personat përgjegjës, të cilëve u është përmendur emri.

“Kanë dalë të dhëna të llahtarshme që duhen të hetohen dhe persona që s’duhet të shmangen nga hetimi që ju ka dalë emri gjatë dëshmive. Dëshmitë e zyrtarëve të lartë kanë qenë kontradiktore, për këtë arsye duhej të kishim thirrjen e dëshmitarëve të tjerë”, tha Salianji.

Nga ana tjetër, përfaqësusit e mazhorancës kërkuan t’i përmbahen në mënyrë rigoroze ligjit dhe mandatit të caktuar nga Kuvendi. Kërkesa e deputetëve të PS për të deklaruar përfundimin e hetimit parlamentar për këtë çështje nuk është marrë në konsideratë nga kryetari i komisionit duke mos u hedhur për votim. Mazhoranca do të përsërisë kërkesën edhe në mbledhjen e ardhshme të këtij komisioni, mandati i të cilit mbaron në muajin korrik bashkë me këtë sesion punimesh të Kuvendit.

LEXONI GJITHASHTU:

• Miratohet mes debateve dhe hyn me procedurë të përshpejtuar një ligj i ri për armët
• PS padit në Gjykatën Administrative KQZ-në, shkak afatet për zgjedhjet në Himarë