PD mbledh firmat: Mocion me debat pa limit për çështjen Rama-McGonigal

Deputetët e opozitës kanë depozituar për herë të dytë në Kuvend kërkesën për mocion me debat për çështjen Rama-McGonigal.

Dokumenti i firmosur nga 19 deputetë kërkon të mos ketë limit kohor për deputetët.

“Duke pasur parasysh përmasën e jashtëzakonshme të këtij skandali të paprecedentë, ku Kryeministri shqiptar Edi Rama përfshihet si subjekt hetimi dhe akuzash për përfshirje në korrupsion ndërkombëtar, minimin e besimit të publikut ndaj institucioneve të shtetit shqiptar dhe cenimin e marrëdhënieve politike dhe diplomatike ndërshtetërore ndërmjet Shqipërisë dhe Shteteve të Bashkuara të Amerikës; si dhe, bazuar në Nenin 98 të Rregullores së Kuvendit, një grup deputetësh kërkon:

1. Zhvillimin e një Mocioni me Debat për çështjen “Rama – McGoginal”.
2. Kërkojmë që mocioni të mos ketë limit kohor, duke i dhënë mundësinë çdo deputeti të shprehet”, thuhet në njoftimin e PD.

LEXONI GJITHASHTU:

• Caktohet gjyqtarja që do të shqyrtojë çështjen e vulës së PD
• Berisha: Yuri Kim ka qenë promotore e tenderave korruptivë pa garë