“Pension minimal 200 euro, mesatar 400”, Rama në Gjirokastër: Kush premton tjetër…

Kryeministri Edi Rama zhvilloi të martën një takim me pensionistët në Gjirokastër.

Ai tha se objektivi është që pensioni minimal të jetë 200 euro dhe ai mesatar 400 euro, ndërsa theksoi se kush premton më shumë vetëm gënjen pasi është e pamundur të realizohet me buxhetin e shtetit.

“Pension minimal 200 euro pavarësisht ke punuar s’ke punuar dhe pension mesatar 400 euro për të siguruarit, ku është synimi dhe objektivi ynë. kush ju thotë juve të tjera ka dy arsye, i kemi rënë kësaj pune nga të katër anët. Kemi marrë ekspertizë nga të katër anët, institucionet BB, ekspertë të pavarur ndërkombëtarë, këshilltarë që kam për ekonominë që ishte për 10 vite drejtues i grupit ekonomik të Merkel, kjo që ne kemi përcaktuar si objektiv është ambicioz, nuk është i lehtë por ne do të bëjmë çmos ta arrijnë.
Kush ju thotë gjëra të tjera, janë rruga drejt humnerës. Ose pastaj thonë ta hajë kush ta hajë”, tha ai.

LEXONI GJITHASHTU:

• Rama: Më 16 maj në Tiranë te Sheshi Skënderbej do të vijë gjithë Europa
• Rama në Maliq: Kemi transformuar këtë qytet, votoni integrimin e Shqipërisë në BE