Pensioni, shtesa nuk mjafton/ Të moshuarit në Sarandë ankohen për çmimet e larta

Të moshuarit në Sarandë e quajnë lëmoshë, shtesën e pensionit, të cilën e përfitojnë nga ky muaj. Ata thonë se jetesa është bërë shumë e shtrenjtë, pasi përveç ushqimeve, duhet të paguajnë edhe barna.

Prej datës 1 tetor, mbi 765 mijë pensioniste, do të përfitojnë rritje në masën 8.6% të pensionit të tyre.

Në Sarandë duket se kjo shtesë nuk i ka kënaqur të moshuarit, të cilët thonë se është e pamjaftueshme për përballimin në blerjen e ushqimeve.

“Ja bleva këto më vajtën 18 mijë lek, cik rrush ca byreqe, 18 mijë lek”,-tha pensionistja.

“Rritja e pensioneve me këto çmime, çmimet janë shumë të larta, ku na dalin neve? Me këtë që u ngrit tani marrim 190 mijë lek , po morëm ilace 70 mijë lek , s’na dalin lekët. Si po e përballoni në shtëpinë tuaj rritjen e cmimeve?-Keq si po e përballojmë, keq po e përballojmë. Kur s ka njeriu në xhep që të marri atë që do…”,-u përgjigj një tjetër.

Në shumën që rritet mesatarisht nga 1 deri në 3 mijë lekë, një pjesë e konsiderueshme e parave shkon edhe për ilaçe.

“Meqë u ngrit tani marrë 190 mijë , vajtëm tani morëm ilaçet vajtën 70 mije. Tani me se të rrojmë ne, ilaçet, njërën, tjetrën. A është e mjaftueshme rritja me 8.6%?Jo nuk është e mjaftueshme, ç’është e mjaftueshme të keqen xhaxhi ç’e mjaftueshme është..,”-tha pensionisti.

Për të moshuarit në Sarandë, për të mbyllur muajin do të duhej, që pensioni të ishte mbi 20 mijë lek.

“Duhet të merrnim mbi 200 mijë lek. Tani pak është pensioni po bereqaves mirë, çka. Duhet akoma pak, janë shtrenjtuar gjërat shumë, prandaj themi të ishte dhe pak më, po prapë megjithatë mirë bereqaves”,-tha pensionisti.

Vendimi i qeverisë për indeksimin e pensioneve, është i përvitshëm, dhe shtesa 8.6 % në 2023, përkon me normën e lartë të inflacionit që preku vendin vitin e kaluar.

LEXONI GJITHASHTU:

• Protesta për Palestinën në Shkup, protestuesit: Nuk kemi fuqi tjetër përpos lutjes
• “Malltezi trashëgimtar legjitim” / Boçi: Leja e ndërtimit u firmos nga vetë Edi Rama