“Malltezi trashëgimtar legjitim” / Boçi: Leja e ndërtimit u firmos nga vetë Edi Rama

Luçiano Boçi, nënkryetari i PD të rithemelimit, ishte këtë të diel i ftuar në Euronews Albania ku ka komentuar masën e sigurisë “arrest me burg” të dhënë për Jamarbër Malltezin, dhëndër i ish-kryeministrit Berisha.

Boçi tha se Malltezi është pronar legjitim i truallit, për të cilin I janë ngritur edhe akuzat, ndërsa shtoi se lejen për të ndërtuar në atë trualll e ka dhënë vetë kryeministri Edi Rama, i cili në atë kohë ishte kryetari i bashkisë së Tiranës.

“Aty ka pasur zhvillim të pronës, kryetari I bashkisë në atë kohë ka qenë I famshmi Edi Rama, Si kryetar bashkie ka qenë i famshëm për atë 20% e dikurshëm. Që të bësh ndërtim aty, duhet që toka nga terren sportive të kalonte në truall sepse ishte brenda vijës së verdhë dhe në bazë të planit urbanistik, me vendim të Edi Ramës.

Toka nga tokë sportive, ka kaluar në truall për ndërtim. Kush e dha lejen e ndërtimit? E ka dhënë Edi Rama, se nuk e mori nga kryeministri Jamarbëri. Toka nuk ka qenë në planin e përhapjes, se e ka përjashtuar nga ky plan presidenti Moisiu”,-tha Luçiano Boçi.

LEXONI GJITHASHTU:

• Çfarë duhet të kërkojë Kosova? Nexhmedin Spahiu: Fitoren në terren e mori, por…
• Zbardhet dosja që çoi nën hetim Berishën, roli i Malltezit në kompleksin “Partizani”