Çfarë duhet të kërkojë Kosova? Nexhmedin Spahiu: Fitoren në terren e mori, por…

Profesori Nexhmedin Spahiu, ishte këtë të diel i ftuar në Euronews Albania ku tha se Kosova tashmë ka një plus shumë të madh, pasi ka arritur të ketë një fitore në terren.

Megjithatë ai tha se mbetet e paqartë se si do të vijojë marrëdhënia me Serbinë, për sa kohë që plani i 5 emisarëve ende nuk është bërë publik.

“Ka një plus të madh se ka marrë një fitore në terren. Është një fitore ku ka siguruar fitoren e plotë në veri të Kosovës dhe këtë do duhet ta akreditojë. Tani a do të mund ta akreditojë këtë fitore, apo Serbia do përpiqet të bëjë një sulm të dytë për të rikuperuar humbjen, kjo do duket më vonë.

Megjithatë vlerësime më të sakta mund të japim kur të shikojmë planin që kanë propozuar pesë emisarët, sa i realizueshëm është ai plan dhe a është korrekt. Nëse plani është korrekt atëherë mund të themi se ka gjasa më të mëdha të realizohet dhe të vendosë edhe paqen.

Nëse plani nuk është korrekt atëherë mund të konkludojmë se Bashkimi Europian dhe Shtetet e Bashkuara të Amerikës, nuk po e mbrojnë paqen, por po e ngatërrojnë për një luftë në rajon”,-tha profesor Spahiu.

LEXONI GJITHASHTU:

• “Masa ndaj Berishës anti-kushtetuese”/Cakrani: Po mbushen burgjet me të pafajshëm
• “Izraeli i përgatitur për të luftuar në 6 fronte”, Goxhaj: E lejoi vetë operacionin