Qeveria po paraqet mundësitë për të marrë një vendim për rritjen e pensioneve, ndërkohë që një grup pensionistësh ka protestuar për të siguruar përfitime më dinjitoze, të ngjashme me ato në vendet e rajonit.

Pensionistët janë lodhur nga premtimet dhe kërkojnë të ardhura më të larta, përballë rritjes së çmimeve dhe kostove të jetesës që tejkalojnë shtesat e indeksimit apo shpërblimet sporadike.

Protesta e moshuarve përballë kryeministrisë këtë javë vjen në një moment kur hendeku është thelluar, me pensionet që përbëjnë vetëm 25% të pagës mesatare.

Gjithashtu, pensionistët shqiptarë ndihen të diskriminuar krahasuar me bashkëmoshatarët e tyre në Mal të Zi dhe Serbi, të cilët përfitojnë dyfishin e pensioneve, pavarësisht se skemat e pensioneve janë të ngjashme.

Qeveria e pranon nevojën për pensione më të larta dhe po diskuton burimet e mundshme financimi, përfshirë taksimin e bizneseve që evazionojnë pagesat e kontributeve.

Në këtë situatë, vendimi i qeverisë është në pritje, ndërsa pensionistët mbajnë shpresën për një të ardhme më të mirë.

LEXONI GJITHASHTU:

• Informaliteti i pagave, armiku kryesor i pensionistëve, Rama: Është grabitje
• Pensionisti: Nuk më lejuan të hyja në takim me Ramën, ishin zgjedhur më parë