“Informaliteti i pagave, armiku kryesor i pensionistëve”, Rama: Është grabitje…

Kryeministri Edi Rama së bashku me Ministrin e Ekonomisë, Kulturës dhe Inovacionit, Blendi Gonxhja, Ministrin e Brendshëm, Ervin Hoxha, ministrja e Shtetit për Sipërmarrjen dhe Klimën e Biznesit, Delina Ibrahimaj takim me strukturat tatimore për prezantimin e planit për luftën ndaj informalitetit.

Në fjalën e mbajtur prej tij kryeministri Rama theskoi se është shumë e rëndësishme që pronarët e sipërmarrjeve private të deklarojnë pagat reale të punonjësve të tyre.

Sipas tij  është shumë e rëndësishme pagesa e sigurimeve shoqërore nga kushdo që punon, pasi theksoi se është pikërisht ky burimi i fondit për pensionet.

Rama ka deklaruar se pagat reale në Shqipëri janë “600 euro për sanitare dhe mbi 1100 euro paga mesatare për sektorët e tjerë”, por sipas tij këto paga nuk deklarohen nga bizneset.

“Nga një anë përmbajtja komplekse e kësaj pjese të administrimit të të ardhurave që ne krijojmë dhe cila është vështirësia shumë komplekse për të adresuar siç dëshirojmë të gjithë nevojën për rritjen e pensioneve dhe nga ana tjetër për të theksuar se në një proces si ky, është i domosdoshëm një front i përbashkët shoqëror mes qeverisë, individëve dhe kompanive.

Sigurimet shoqërore nga buron fondi i pensioneve, janë detyrim jo vetëm ligjor por edhe moral për të krijuar mundësinë që zinxhiri i solidaritetit të funksionojë”,-tha Rama.

LEXONI GJITHASHTU:

• “Pa fëmijët, as bukë s’hamë dot”- Pensionistët në protestë përpara Kryeministrisë
• Pensionisti: Nuk më lejuan të hyja në takim me Ramën, ishin zgjedhur më parë