Pensionistja që punon si pedagoge: Edhe në Shqipëri jetohet mirë

Bedrie Ibrahimi, një pensioniste e cila punon si pedagoge në Universitetin e Sarandës,  thotë se ndihet shumë mirë që po e ushtron këtë profesion.

Në emisionin “Good Morning Albanians” në Euronews Alania, Ibrahimi u shpreh se studentët që ka në auditor, kanë shprehur dëshirën për t’u larguar jashtë vendit.

Por sipas saj, edhe në Shqipëri jetohet mirë nëse punon me atë intensitet që punohet në shtete jashtë Shqipërisë.

“Mu aprovua kërkesa për të dhënë mësim si pedagoge e jashtme në filialin e ekonomisë në Universitetin e Sarandës. Ndihem shumë mirë, madje nuk jam e vetme. Kam edhe një shoqen time e cila jep mësim në fizkë, në një shkollë private. Pensioni nuk është i mjaftueshëm, por jo se ishte kjo arsyeja kryesore.

Faktikisht, studentët e kanë këtë mani dhe ide për të ikur. Mbasi mbaroj mësimin dhe bëjmë një bisedë, unë gjithmonë këmbëngul te ajo që edhe në  Shqipëri mund të jetosh nëse punon me atë intensitet që punohet jashtë”, theksoi ajo.

LEXONI GJITHASHTU

• Okulistja: Syri duhet të qëndrojë në ujë, loti artificial zgjidhje për pacientët
• Daçiç përplaset me ambasadorin amerikan: Po ndërhyn në punët e brendshme të Serbisë
• Kujdes nga loti artificial, tre vdekje dhe disa raste verbimi