Perandoria e Berlusconit, avokati: Ana e errët e bosit italian që u bë kryeministër

Avokati Ersi Bozheku komentoi në “Now me Erla Mëhillin” largimin nga jeta të Berlusconit, si një nga liderët më të mëdhenj të historisë së Italisë.

Sipas tij, ish-kryeministri është një nga fenomenet që nuk përsëriten më në historinë e Italisë.

“Berlusconi ka një karakteristikë që nuk e kanë pasur liderët e tjerë. Ka qenë njëkohësisht një nga të persekutuarit më të mëdhenj të historisë së Italisë, veçanërisht nga një sistem gjyqësor dhe një sistem i magjistraturës italiane i ndërtuar në një mënyrë të tillë ku magjistratura nuk është thjesht një pushtet i tretë dhe i pavarur, por një pushtet i cili futet në lojën politike, nuk është më arbitër i lojërave politike institucionale, por bëhet pjesë, por jo një vegël në duart e një sistemi politik, por një sistem brenda sistemit që lufton liderin,” – u shpreh Bozheku.

Sipas tij në këto kushte fatet e politikës, kalojnë më pas në fakte të prokurorisë.

LEXONI GJITHASHTU:

• Berlusconi, italiani i tretë më i pasur, ja kush do e trashëgojë pasurinë e tij
• Ish-deputeti nga Kosova: Berlusconi më shpëtoi jetën