Perëndimi shton sanksionet ndaj Rusisë

Udhëheqësit perëndimorë do t’i vendosin Rusisë paketa të reja sanksionesh, deklaroi SHBA të mërkurën.

Thirrjet për sanksione të mëtejshme janë rritur ditët e fundit mes akuzave se Rusia ka kryer masakra në Buça.

Kryetari i bashkisë së Buças ka thënë se rreth 320 civilë janë vrarë nga trupat ruse gjatë pushtimit të qytetit.

Sekretarja e shtypit e Shtëpisë së Bardhë Jen Psaki tha se masat do të synojnë organet financiare dhe shtetërore ruse, si dhe disa zyrtarë dhe oligarkë.

Psaki shtoi se masat do të rëndojnë mbi “kleptokracinë ruse që financon dhe mbështet luftën e Putinit”.

Sanksionet, të cilat pritet të përfshijnë ndalimin e të gjitha investimeve të reja perëndimore në Rusi, do të “degradojnë instrumentet kryesore të pushtetit shtetëror rus, do të imponojnë dëm ekonomik akut dhe të menjëhershëm ndaj Rusisë”, u tha Psaki gazetarëve gjatë një konference shtypi në Uashington DC të martën.

LEXONI GJITHASHTU:

• Ukraina kërkon garanci ndërkombëtare për negociatat me Rusinë