Përfaqësuesi i Rusisë në OKB i del në krah Vuçiçit: Serbët në Kosovë, të pasigurt

Përfaqësuesi i Rusisë në OKB, Vasily Nebenzia, tha se situata në Kosovë dhe rajon është “shumë shqetësuese”.

“Situata vazhdon të përkeqësohet”, ka thënë ai, teksa ka vazhduar me ofendime ndaj shtetësisë së Kosovës, duke e quajtur kryeministrin Albin Kurti si “të ashtuquajtur”.

Kjo politikë e Rusisë për situatën e sigurisë në rajonin e Ballkanit Perëndimor, në veçanti në Kosovë, po vazhdon që kur Rusia nisi pushtimin e plotë të Ukrainës.

Ai ka bërë pretendime se situata për serbët në Kosovë “është e pasigurt”.

Nebenzia tha se Kosova po e pengon dialogun me Serbinë, “derisa Serbia të njohë kuazi-shtetësinë e Kosovës”.

Kjo politikë, tha ai, po mbështetet nga ShBA-ja.

Këto komente, përfaqësuesi i Rusisë i bëri në seancën e rregullt për situatën e sigurisë në Kosovë në KS të OKB-së.

LEXONI GJITHASHTU:

• “Kosova po shkëlqen”- Vjosa Osmani në OKB: Pretendimet e Vuçiç, janë farsë politike
• Osmani në OKB për luftën në Kosovë: Millosheviç e Vuçiç donin të zhduknin shqiptarët