Përfshihet nga flakët një banesë private në Berat, zjarrfikësja në vendngjarje

Një zjarr ka rënë rreth orës 16:00 të ditës së sotme në lagjen “Dëshmorët e Kombit” në Berat. Zjarri i rënë në një banesë private në këtë lagje është parë nga banorët përreth, të cilët kanë njoftuar zjarrfikësit.

Ndërhyrja e shpejtë dhe në kohë e zjarrfikësve dhe policisë ka sjellë neutralizimin e shpejtë të flakëve dhe shuarjen e zjarrit në një kohë të shkurtër.

Fatmirësisht në banesë nuk kishte asnjeri në momentin e rënies së zjarrit, që paraprakisht mendohet të jetë shkaktuar nga një shkëndijë elektrike.

Si pasojë e zjarrit është djegur njëra nga dhomat e katit të parë të banesës së shtetasit A.Merko.

LEXONI GJITHASHTU:

• Ra në kontakt me rrymën elektrike ndërsa peshkonte, humb jetën 30-vjeçari
• E rëndë! Humb jetën teksa punonte minatori 60-vjeçar në Bulqizë (Emri)